Hurra for 85+100!

I dag fyller Elias 85 i ein butikk som er 100. Det er grunn til å feire i Vinjehuset.

Elias Vinje. (Foto: Hanne Suorza)

Vi gratulerer den flotte kjøpmannen!

I år er det heile 100 år sidan far til Elias, som også hadde navnet Elias, etablerte butikken på Aure.

Først heldt han til i Sykkylven Hotel, så i Vinjehuset frå 1919. Elias blei fødd i 1927. I byrjinga av 30-åra utvida Elias senior og kona Laura butikken til hotell, som blei drive fram til ca. 1960. Det var flaks at huset ikkje gjekk tapt i Aurebrannen i 1939.

Elias har vore kjøpmann i 70 år. Han har også lagt ned ein stor frivillig innsats, først og fremst i Sykkylven Idrottslag. Han får mykje av æra for både storhall og grasbane i bygda.

I følge Elias er det ingen sensasjon at han blir 85.

- Det skulle berre mangle, seier han, og gir oss heller ferske tippetips:

Elias si store interesse er tipping. Aller helst tippar han på hest.

I Årboka for Sykkylven i 2007 skreiv Thor WIlly Strømme om Elias og Vinjehuset. Ei fin historie med gamle bilder, verdt å sjå!

For eit par år sidan gjorde Sykkylven Idrottslag eit intervju med Elias. Her fortel han om barndom, arbeid og Tysklandsbrigaden:

 

 

 

Skriv kommentar
Anonyme kommentarar blir ikkje publisert. Vi oppfordrar til positivitet i kommentarfeltet.

Skriv navnet ditt

Navn er et nødvendig felt

Skriv ein gyldig e-postadresse

E-post er et nødvendig felt

Skriv ein kommentar

Brabygd.no © 2018 | Ver venleg og oppgje kjelde ved kopiering av tekst, foto og video. Brabygd har ikkje ansvar for innhald på eksterne nettsider som det blir lenka til.