Vaarvon nominert til Godt Vern-pris

Ungdomshuset Vaarvon i Straumgjerde er ein av tre nominerte til Godt Vern-prisen 2012 på Sunnmøre. Prisutdelinga finn stad på Skodje i morgon, søndag 25. november.

Vaarvon i Straumgjerde kan få Godt Vern-prisen for 2012. (Foto: Hanne Suorza)

I følge papirutgåva til Sunnmørsposten fredag 23. november, har juryen plukka ut tre kandidatar. Dei er vurdert utifrå utvendig vern og vedlikehald, innsats, stimulering og resultat.

Dei to andre finalistane er kunstnarparet Sidsel Colbjørnsen og Ørnulf Opdahl sitt våningshus og løe på Godøy, og stabburet Langelandsgården som ligg vegg i vegg med kjøpesentra på Moa.

Til Sunnmørsposten seier sekretær i Fortidsminneforeininga på Sunnmøre at Ungdomslaget Samhald har samarbeidd med fylkeskonservatoren, noko som sjølvsagt er bra. Det er alltid ei utfordring å restaurere bygg som skal vere i aktiv bruk, som for eksempel eit ungdomshus.

Ungdomshuset Vaarvon blei bygt i 1912 og feirar 100 år i år.

Sjå fleire bilder og les meir om Vaarvon her.

Godt Vern-prisen blir delt ut på Skodje i morgon, søndag 25. november, i samband med at Fortidsminneforeininga fyller 30 år.

Skriv kommentar
Anonyme kommentarar blir ikkje publisert. Vi oppfordrar til positivitet i kommentarfeltet.

Skriv navnet ditt

Navn er et nødvendig felt

Skriv ein gyldig e-postadresse

E-post er et nødvendig felt

Skriv ein kommentar

Brabygd.no © 2018 | Ver venleg og oppgje kjelde ved kopiering av tekst, foto og video. Brabygd har ikkje ansvar for innhald på eksterne nettsider som det blir lenka til.