Heile bygda kan glede seg over dagens julegåver frå Sparebanken Møre.
To gongar i året gir banken av sitt utbytte til lokale foreiningar, lag og organisasjonar.
Under julelunsjen i Sparebanksalen i dag fekk:
- Sykkylven Handelsforeining kr. 50.000. Gåva skal disponerast til trivselsfremjande tiltak i sentrum.
- Sykkylven Småbåthamn kr. 10.000,- Gåva skal nyttast til nye plantar og stell av småbåthamna.
- Velledalen og Ringen Fotballag (VRF) kr. 25.000,- Gåva skal nyttast til oppgradering av klubben sine anlegg i Straumgjerde (Slettegjerde) og i Velledalen (Dalemyra).
- Sykkylven Symjeklubb kr. 10.000,- Gåva skal gå til utstyr og utlegg i samband med oppstart av symjeopplæring for barn i bygda.
- Fjellseter Ungdomssenter kr. 50.000,- Gåva skal nyttast til styrking av det gode tilbodet for barn og unge ved senteret.
Mykje av utbyttet til banken blei delt ut allereie i vår. Mellom anna gjekk 200.000 kroner til den nye lysløypa på Fjellsetra.
Sykkylven småbåthamn får 10.000 kroner til grøne tiltak. (Foto: Hanne Suorza)
