Onsdag 9.1: Hilde, Rune og Oslo-Filharmonien direkte på P2

Nyttårskonserten til Oslo-Filharmonien går direkte på NRK P2 onsdag 9. januar klokka 19.30. Hilde Louise Asbjørnsen er konferansier og Rune Bergmann dirigent.

Nyttårskonsert: Dirigent Rune Bergmann, fiolinist
Charlie Siem og konferansier Hilde Louise Asbjørnsen.

Hilde og Rune er begge frå Sykkylven. Dei er like gamle og til og med i slekt.

- Det er veldig kjekt å arbeide saman. Og ganske tilfeldig at vi begge blei spurd om å vere med, seier Rune til brabygd.no.

Han fortel at dei i ungdomsåra tok del i nyttårskonsertane i Sykkylven. Rune rosar den lokale tradisjonen og musikklivet i heimbygda:

- Det er morosamt at det skjer så mykje bra! There is something about Sykkylven, ler han.

Solist under nyttårskonserten er den britisk-norske fiolinisten Charlie Siem. Rune fortel at også Siem har anar frå Sunnmøre. Fiolinisten er ein av dei mest populære klassiske artistane i Storbritannia om dagen.

På programmet til Oslo-Filharmonien står:

Berlioz Romersk karneval, ouverture
Vieuxtemps Fiolinkonsert nr. 5
Grieg Symfonisk dans nr. 4
Bull Cantabile doloroso e Rondo giocoso
Bizet Orkesterutdrag frå Carmen

Skriv kommentar
Anonyme kommentarar blir ikkje publisert. Vi oppfordrar til positivitet i kommentarfeltet.

Skriv navnet ditt

Navn er et nødvendig felt

Skriv ein gyldig e-postadresse

E-post er et nødvendig felt

Skriv ein kommentar

Brabygd.no © 2018 | Ver venleg og oppgje kjelde ved kopiering av tekst, foto og video. Brabygd har ikkje ansvar for innhald på eksterne nettsider som det blir lenka til.