12 spanande turmål i Sykkylven er valt ut.
Startskot for turpostkonkurransen går i dag, 1. mai. På heimesida til Sykkylven kommune skriv folkehelsekordinator Lars Petter Vemøy at «vi vonar at like mange deltek også i år, for å gå ut på tur, leite etter fjøler med kodar og oppleve nye flotte plassar i kommunen vår. Og sist, men ikkje minst; du får betre helse av å vere med på dette!»
Les også: Sprek i fjøre og fjell (brabygd.no september 2012)
Turkorta er lagt ut for sal ved Intersport, Sport 1 og Hardhaus i Sykkylven. Der finn du stadnamn og enkel turbeskriving.
Alle som finn seks fjøler med kode er med i trekking av premiar 25. oktober på Sykkylven kulturhus.
Turmåla i 2013 er:
- Skagen (litt nordom Rundsteinsvika)
- Johnsvatnet i Sunndalen
- Gjerdekollen
- Gimsdalstinden
- Hinakken
- Auskjeret
- Råna
- Melsetsætra (Vardefjellet)
- Trollkyrkja
- Trollvatnet (Tverrfjellet)
- Brunstadhornet
- Aurenakken