Sykkylvsdagane: På dugnad!

- Det er kjekt og viktig at så mange stiller på dugnad, seier Vidar Hovland, leiar i Sykkylven Idrottslag (SIL).

outlet7

Vidar Hovland og Karl Dagfinn Lyshol i SIL. Møblar frå IMG. (Foto: Hanne Suorza)

SIL er eit av mange lag som bidrar til at Sykkylvsdagane blir eit vellukka arrangement.

Under årets møbeloutlet er SIL fotball teknisk arrangør. I Storhallen stiller 50 personar på dugnad i løpet av helga.

Hundrevis av stolar, sofaer, bord og skap skal på plass. I morgon er det venta storinnrykk. SIL vil hjelpe til med sal av møblar og forfriskingar i kiosken. Søndag er det tid for opprydding.

møbel_web

Les meir her: Norges største møbeloutlet. (brabygd.no 11. juni 2013)

Arrangementet er eit samarbeid mellom Furnia, LK Hjelle, IMG, Brunstad, Ekornes, SIL Fotball, Handelsforeininga og Sykkylven Næringsutvikling.

Møbelbedriftene lovar billigsal frå klokka 10. Klokka 12 og 14 blir det auksjon. Det blir sett ein minstepris på eit utval møblar frå kvar av produsentane. Auksjonarius Magnar Kvalvåg vil ta i mot bod.

outlet1_web

Brunstad på rekke og rad. (Foto: Hanne Suorza)

I sentrum er turngruppa i gang med å rigge telt og grille pølser. Mange av foreldra til dei 650 borna i SIL er engasjerte i dugnadsarbeidet.

– Heldigvis er dei aller fleste positive og ser at dette er viktig for å halde kostnadane med kontigent og treningsavgift nede. Outleten gir oss ei kjærkomen inntekt som er viktig for at vi kan vere ein breiddeklubb der alle er velkomne og har råd til å vere med, seier Vidar.

Ein del av overskotet frå møbelsalet går til SIL.

outlet6

Vidar Hovland og Egil Ulvestad. (Foto: Hanne Suorza)

Marknadsjef i Brunstad AS, Egil Ulvestad, er glad for samarbeidet.

-  Mange legg ned eit stort tal timar i frivillig arbeid gjennom året. Dette er ei fin moglegheit for næringslivet til å støtte bygda, seier han.

outlet2

Ny design og klassiske modellar frå LK Hjelle. (Foto: Hanne Suorza)

NB! Kunden står for frakt av møblar. Storhallen vil vere open for henting søndag klokka 12-15.

FØLG BRABYGD.NO PÅ FACEBOOK HER

outlet8

Lass på lass. Representantar frå møbelbedriftene og SIL i full jobb. (Foto: Hanne Suorza)

 

Skriv kommentar
Anonyme kommentarar blir ikkje publisert. Vi oppfordrar til positivitet i kommentarfeltet.

Skriv navnet ditt

Navn er et nødvendig felt

Skriv ein gyldig e-postadresse

E-post er et nødvendig felt

Skriv ein kommentar

Brabygd.no © 2018 | Ver venleg og oppgje kjelde ved kopiering av tekst, foto og video. Brabygd har ikkje ansvar for innhald på eksterne nettsider som det blir lenka til.