Straumshornet i haustfargar. Råsa går opp langs fjellryggen til høgre. (Foto: Frank Andersen Photography)
Straumshornet (976 m.o.h.)
Denne ruta er mest nytta:
Du køyrer opp ved Hydro Texaco på Blindheim og vidare innover Skålholtvegen (bomveg). Parker i vegkrysset mellom Hindaholen og Langeneset.
Hald til høgre for dyrkingsfeltet. Du kjem straks inn på ei god rås som går i sørleg retning bort til fjellryggen. Det er greitt å følgje råsa opp langs ryggen. Du rundar inn til venstre ved foten av toppen. (Austsida)
Rund fjellet langs dei flataste partia til du kjem til ei brei renne, som fører rett oppover mot toppen. Når du kjem opp mot kanten, dreier du til høgre mot hovudtoppen.
Du kan også velje å starte frå Straumgjerde (Bakkane) og opp til Brune. Derifrå er ruta identisk med den ovanfor. Det er også mogleg å gå direkte opp frå grusvegen mot Langeneset.
- Oppstigningstid frå Straumgjerde: Om lag tre timar.
Les meir om alternative ruter i Fjellhugboka. (Kjelde)
Stig Brekke på veg til Straumshornet. Her, ved foten av toppen, rundar du av til venstre før råsa tar deg vidare opp mot toppen. (Foto: Hanne Suorza)
Flott utsikt frå Straumshornet. Vi ser mellom anna Sykkylvsfjorden, Ikornnes, Aure, Storfjorden og Ålesund. Du kan velje å gå opp grusvegen frå Straumgjerde som vi ser nede til venstre i bildet. Eller, gjere som mange andre: køyre grusvegen frå Blindheim som vi ser til høgre i bildet. Dette blir då ei kortare rute. Parkering i krysset. (Foto: Hanne Suorza)
Straumshornet fotografert frå Ikornnes. (Foto: Hanne Suorza)
Straumshornet fotografert frå Straumgjerde. (Foto: Hanne Suorza)
